ETXALARKO TURISMO ATARIA

Zatoz ETXALAR ezagutzera eta gozatu eskaintzeko dugun guztiarekin!

EGUBERRIAK 2018

Udazkenaren bukaerarekin negua dator eta honekin eguberriak heldu zaizkigu. Egun berezi hauetan gure herrian urteetako tradizio duten ekitaldiak burutzen dira, tartean Olentzeroren etorrera eta “Ela-Ela” urte zahar egunean. Berzelako ekitaldiak ere antolatzen dira, tartean errege eguneko txokolatada.

 

 

 

 

Olentzero badator! – Abenduak 24

Abenduaren 24a arratsaldean, ohitura den bezala, Olentzerorekin kalejira eginen da herriari itzulia emanez, herriko txistulari eta trikitilariak lagunduta. Ondotik Olentzero elizara joango da eta bertan kantatuko diote. Hau egin eta gero herriko plazara joanen da eta bertan ere kantatuko zaio. Bukatzeko herriko musikari gazteak musika emanaldi bat eskainiko dute eta berendua ere izanen da.

Kartela ikusi

 

Performance Musikala margolariarekin – Abenduak 28

Herriko Ostatuaren III. urteurren bestaren barne. Abenduak 28, 22etan

Kartela ikusi

 

"Ela-Ela" – Abenduak 31

Urteko azken egunean Etxalarko betiko tradizio bat ospatuko da. Egun honetan herriko haurrak etxez-etxe eskian ibiliko dira baserritarrez jantzita "Ela-Ela" kantatzen urtatsa lortzeko (Fruta, goxokiak, etab.). Hau goiz partean izaten da. Ttikienak herriko etxeetan ibiltzen dira eta koxkorragoak direnak baserrietan ere.

 

Txokolatada – Urtarrilak 6

Azken urteetako ohitura jarraituz Larraburu Jubilatu Elkarteak txokolatada eskaintzen du herriko haurrei errege egunean.